【維港會】斥胞兄女友分租公屋卻侵佔男家公屋 港女怨3人共睡一房

網上討論區「親子王國」有女網民發文，指責胞兄女友原先已經獨居公屋，卻將單位分租出去，遷入女事主一家人所住的公屋單位，三男女共享一間房，更被對方挑撥離間、煽風點火，無奈因疫情失業無法搬走只能忍耐。

女事主指，與兄長原本共用碌架床，而父母一間房。兄長女友在舊區屋邨租住一百多呎單位，女友表明不會結婚以免被除名收回公屋。女事主家單位則是較新的屋邨，由父母轉至兄長名下，有時女友會上門借宿。

不過好景不常，兄長女友突然搬很多雜物到女事主家，聲言要長住。「慢慢地，客家佔地主，房廳、廚房、廁所、雪櫃，都充斥住佢女朋友嘅嘢。耐咗，相見好，同住難。我同佢關係都漸變差，覺得佢好自私，好多嘢要霸，節日會叫下朋友黎 」。

女事主抱怨，「本身空間唔大，我有自己一個角落都算，由半間房變成1/3間房。佢開始好多小動作，想迫我走」。每日兄長上班，其女友則在家工作。女事主抱怨，已經不理對方、無接觸、無傾計，不想與對方爭鬥，但有時多個人爭用廚房、廁所、房間，很不自在。

女事主指責，「如果你係我大嫂，我一定要忍讓，但只係一個外人，仲要係自己有屋。點解又唔叫阿哥去佢度住，要一齊迫係呢度？」對方將間公屋分租，卻到男家白食白住，不用交水電煤，又不用幫手做家務。

女事主又埋怨，父母為人比較隨和，女友又隱瞞本來已租住公屋。「對家人都有心淡，早已知道父母重男輕女，我不介意間屋留比仔，但被個女人咁迫入黎，我只想係我結婚前安安樂樂住一陣子，都不能」。女事主無說過女友的不是，但就被對方背後中傷、挑撥離間，兄長也愛理不理，「我被變成外人，不像家中一份子」。

有網民就建議，「父母無出聲，你都做唔到啲咩。其實間屋遲早都畀阿哥，你不如早啲計劃搬走仲好。失業可以做住part-time先，識多啲人，又可以不用留在家。盡揾另一半咪可以搬出去。如果你外在條件好好，又有經濟能力，都可以不急揾另一半，但你咁嘅情況，只有嫁人先可以逃離屋企」。有網民就建議女事主向房屋署舉報兄長女友違法分租公屋單位，但女事主又怕兄妹反目成仇。