【維港會】視住公屋為人生污點 網民寧露宿：起碼有尊嚴

不少基層市民輪候公屋多年，成功「上樓」可說是大大解決生活難題，但另一方面也有人視之為「人生污點」。有網民就形容住公屋便無法抬頭做人，更擔心被同事知道，形容是「水洗唔清」的極大恥辱。

有網民在「親子王國」，以「住公屋絕對係一世都洗唔甩嘅污點 羞耻至極」為題發帖，指基本上每日都要「遮遮埋埋 」、「唔能夠見光」， 因為「一旦唔小心外漏咗俾同事知，從此唔會再得到尊嚴」。 網民表示，自己目前過著露宿生活，除非有本事買入私人樓宇，否則寧願露宿。「起碼擁有自由和尊嚴，又可以正常返工，最重要係唔需要受公屋地獄之苦，例如被房署日夜威脅扣分收樓、被鄰居倒屎、被街坊同事耻笑等，連健康都無埋」，更揚言「最好政府拆除所有公屋，等所有人自己諗辦法露宿或租房」。

帖文引起熱議，不少人都直言樓主「住公屋都可以出人頭地，曲線只可以證明自己無本事又眼角高，無語」、「有公屋唔住寧願訓街都係第一次聽！不如你叫埋你屋企人一齊訓街，讓返間公屋出嚟比啲唔介意住公屋嘅人士住啦」、「你仲停留唔知乜嘢年代思想? 住公屋冇面呢個諗法好膚淺！」更有人叫樓主「揾專業心理專家傾下啦！」

另有人就關注日常用品如何處理，樓主就回覆指「行裝隨身，稍大型就放迷你倉，冲涼是旦搵一個有水喉嘅地方解決，辦法總比困難多」。