蕭正楠難忘男助手咬耳仔 陳豪自爆曾被女助手表白
2020-12-14 16:45 
陳豪、李佳芯（Ali）、蕭正楠（Edwin）和陳瀅等日前代表新劇《愛美麗狂想曲》，接受由伍詠薇（伍姑娘）和林盛斌（Bob）主持的邵氏出品節目《Tiger's Talk》訪問，談到劇中飾演PR公司老闆的陳豪，對員工尖酸苛刻，經常都欺壓靚秘書Ali，被問到可有請助手的難忘經驗？陳豪即自爆曾被助手戀上，他說：「好多年前，佢跟咗我大約兩年，我完全唔察覺，佢係一個好能幹嘅女仔，成日都會想唔同辦法去幫我，佢話我知佢鍾意咗我，不過我當時有女朋友，都唔係好記得自己點答佢，但我都有自省係咪做咗啲咩令佢誤會，我只能夠講我係正人君子。我冇炒佢，後來佢自己辭職。」
至於角色較娘娘腔、連自己性取向都未搞清楚的Edwin，最難忘於內地聘請的男助手，他指對方長期娘娘腔兼陰聲細氣，喜歡超近距離「咬耳仔」交談，Edwin續道：「我唔知係佢貼心，定真係貼心得濟，我換衫，佢就趕晒啲人出去，但佢自己唔出去囉。」語畢伍姑娘笑言不知何解，聯想到這個助手就是曹永廉。
關鍵字
最新回應