星島日報

【獨家】筍盤女友 榮升千萬業主 31歲龔嘉欣拒絕被包養

2020-12-13 23:56
31歲的龔嘉欣已榮升千萬業主,講明拒絕被包養的她,絕對是筍盤女友。
31歲的龔嘉欣已榮升千萬業主,講明拒絕被包養的她,絕對是筍盤女友。

31歲龔嘉欣和33歲羅天宇最近在劇集《香港愛情故事》,首度做情侶,演一對拍拖7年因土地問題冇地方溫馨,搞到要「爆房」的拖友。劇中兩人勁多親熱牀戲,對住被動拍檔天宇,嘉欣笑指要化身「餓女」先搞得掂,好鬼尷尬。現實中兩人一樣面對土地問題,同家人租屋住的天宇,好羡慕啱啱上車買935萬樓做業主的嘉欣,嘉欣就自揭入行10多年便成功儲到7位數做小富婆。講到緋聞,天宇提到經常被拍到約會的戴祖儀,即口窒窒否認,啱啱升呢男一的他,仲斬釘截鐵話:「我唔做啲阻礙工作嘅嘢!」講到大馬緋聞男友Bryan,嘉欣表現大方,澄清只屬工作關係朋友,提到包養傳聞她更強調:「我絕對唔會,呢個我好肯定,我真係可以比你(天宇)肯定100倍。」撰文:杜淑霞 攝影:李維隆 髮型:Real Law(嘉欣) 化妝:Herman Ng(嘉欣) 服裝:Kate spade(嘉欣)、Theory(天宇)

31歲的龔嘉欣已榮升千萬業主,講明拒絕被包養的她,絕對是筍盤女友。
31歲的龔嘉欣已榮升千萬業主,講明拒絕被包養的她,絕對是筍盤女友。
已屬小富婆的嘉欣,坦承仍想儲多點錢,努力工作多幾年,所以唔心急搵對象拍拖。
已屬小富婆的嘉欣,坦承仍想儲多點錢,努力工作多幾年,所以唔心急搵對象拍拖。




劇集甫開播,嘉欣和天宇便上演「爆房」戲,他們承認初次合作便要拍大量親熱戲,絕對是頂硬上,嘉欣說:「一定尷尬啦!尤其是(爆房)嗰場戲係我哋嘅服裝上,已經唔係着我哋平時casual wear,跟住又講我主動嘅。」嘉欣仲大呻,因天宇性格太被動,要演拍拖7年情侶令她有點吃力,「夾硬嚟囉!我好似『餓女』咁,不停好熱情咁樣去做,希望可以燃起佢嘅內心啦!(羅:我缺貨!)我咪主動啲囉,嗰時都真係驚人哋誤會嘅,以為我做咩事呀,係咁成日同佢講,叫佢一齊食飯。」




講到劇中人遇到的土地問題,兩人坦承都身同感受,天宇說:「我同細佬嘅目標好清晰,就係快啲諗辦法置業,買個地方,唔使再租屋呀!所以我睇劇本嘅時候,真係自己想講嘅對白,你唔需要去諗㗎!租屋定買樓係好貼地嘅對白,出街嘅時候大家都應該好有共鳴,所以希望呢啲位會吸引到觀眾。」

嘉欣睇見天宇回應同戴祖儀緋聞時口窒窒,都忍不住狂笑。
嘉欣睇見天宇回應同戴祖儀緋聞時口窒窒,都忍不住狂笑。
嘉欣呻天宇扮情侶好被動,搞到她變「餓女」先搞掂,這天影相記者都見識到。
嘉欣呻天宇扮情侶好被動,搞到她變「餓女」先搞掂,這天影相記者都見識到。



講戴祖儀口窒窒


天宇坦承對嘉欣年初已上車買935萬500多呎單位做業主勁羡慕,嘉欣即公開儲錢大法,「我開咗ABC三個唔同戶口,出糧就將錢打散,因為我本身理財同數學都好差,我留一啲錢喺A戶口畀自己用,唔夠先至喺B嗰度攞少少,但係C嗰個戶口係永遠唔郁㗎!而家全部Online轉來轉去啲錢好容易,咁我轉過去冇睇佢有幾多錢,就係咁樣儲到錢。(幾多歲開始?)我做Model嘅時候已經開始,我冇乜物質嘅慾望,我買完嘢冇乜感覺,就知我係唔鍾意使錢,尤其入咗行好多客有sponsor,開心可以慳到錢。」16歲初次當相機廣告模特兒,嘉欣已有5位數收入,所以10幾歲已儲到20萬,令到20幾歲已定下30歲買樓計劃,「20幾歲嘅時候偷睇過一次(C戶口),已經儲到7位數,而家層樓有500幾呎,兩個房,我好心滿意足㗎啦,我唔貪心。」原來嘉欣仲有班auntie做幕後軍師,「佢哋會分析應該攞資產幾多比例去做投資,我而家仍然揸住緊嘅,有一啲保險、基金嘅嘢,我諗第時40幾歲會幾有錢。」



聲稱現在單身的天宇,談到經常被拍到跟戴祖儀約會,他口窒窒回應,其間不停用眼神向嘉欣求救,嘉欣亦搞笑話:「你做咩望住我呀?!」他解釋只是揸車順路接送埋戴祖儀,「唔通叫人哋去坐地鐵咩,而今次影到,之前我哋一齊做啲(音樂)cover啫!」他仲話想努力工作儲錢買樓,今套劇有機會升呢男一,會好好珍惜機會,仲斬釘截鐵話:「唔拍拖啦!唔做啲阻礙工作嘅嘢!(嘉欣笑:唔好下巴輕輕呀!)」



對於有傳跟大馬男友Bryan拍拖一年後分手,嘉欣倒答得大方,講明根本冇拍拖何來分手,「佢嗰時搵我做啲活動,傳媒登嗰啲相,我經理人其實都喺度。」嘉欣坦承看到身邊朋友好似陳凱琳等,有個幸福家庭都好羡慕,希望下次拍拖就是結婚對象,不過她仍想事業再衝刺,暫時唔心急拍拖。不過講到被包養傳聞,嘉欣講明堅決拒絕,「我絕對唔會,呢個我好肯定,我真係可以比你(天宇)肯定100倍。

劇集甫開播,嘉欣和天宇便上演爆房戲,嘉欣仲要着上情趣內衣。
劇集甫開播,嘉欣和天宇便上演爆房戲,嘉欣仲要着上情趣內衣。
在太空艙拍牀戲,天宇笑指覺得自己似金魚被任𥄫。
在太空艙拍牀戲,天宇笑指覺得自己似金魚被任𥄫。
港男出身的天宇,原來一直對身材冇乜信心,「我天生一邊胸骨有啲問題,由細到大除衫見人都好大壓力。」
港男出身的天宇,原來一直對身材冇乜信心,「我天生一邊胸骨有啲問題,由細到大除衫見人都好大壓力。」
嘉欣日前在社交平台post性感相,賀自己31歲生日。
嘉欣日前在社交平台post性感相,賀自己31歲生日。
嘉欣跟大馬商人Bryan(後排右)緋聞傳足一年,最近再傳分手。
嘉欣跟大馬商人Bryan(後排右)緋聞傳足一年,最近再傳分手。
去年底,嘉欣跟朋友合資7位數到大馬開火鍋店,已被指忽然富貴。
去年底,嘉欣跟朋友合資7位數到大馬開火鍋店,已被指忽然富貴。
去年12月,天宇被《頭條日報》率先踢爆跟戴祖儀在淺水灣約會撐枱腳。
去年12月,天宇被《頭條日報》率先踢爆跟戴祖儀在淺水灣約會撐枱腳。

最新回應

關鍵字

相關新聞

熱門文章