以為睇緊《驅魔人》 歐鎧淳玩瑜伽玩到好黐線

有「美人魚」稱號嘅運動員歐鎧淳（Stephanie）早前獲頒「十大傑青」。因為疫情影響，令本來開心出戰2020東京奧運，好好享受運動員生涯最後時光嘅佢非常失望，東奧延期一年至明年七月，到時29歲，加上有九個月未比賽過，連當事人都話狀態已回落，到時唔敢諗。冇得比賽同練水，Stephanie冇偷懶，「上岸」後努力練瑜伽同鋼管舞，成績仲相當唔錯。

Stephanie經常上載滑水片及瑜伽片到IG，最新一條係關於後者，只見佢企住將身向後彎，再將雙手掂住地下變成一條橋，然後再踮起腳尖Hold住十幾秒，感覺好黐線，有網友留言《驅魔人》三個字，實在形容得非常好，有睇過呢套戲嘅人一定會明白。