蔡一傑炮製聖誕大餐 伍詠薇又食又拎獲贈口罩有寓意？

蔡一傑自開始在社交平台推出烹飪節目《傑少煮意》後，不時收到好友詢問何時邀約他們到節目做嘉賓，藉機品嘗他的精心炮製菜式。有見及此，傑少選定在聖誕節籌備特別的菜式給4位特別的好友：伍詠薇（伍姑娘）、周汶錡（Kathy）、阮小儀及楊詩敏（蝦頭），並於今晚9時正播出。傑少說：「希望各位觀眾睇完我精心設計嘅菜式後，可以有足夠時間買材料同埋練習，一次唔得再練多次，等大家聖誕期間，就算留喺屋企都有好嘢食。今晚節目內，仲會送出一份我親自揀選的禮物送畀網友，大家記得到時支持我啦。」

傑少除安排特別菜式外，還準備了聖誕禮物給4位好友，其中有正常的亦有特別「度身訂造」的鬼馬禮物。當蝦頭收到傑少特別為她精選的「有機M巾」時，伍姑娘立即衝前爭奪，蝦頭就死命抱著禮物說：「佢知我重有得嚟，阿姐你唔好搶。」當伍姑娘收到傑少送的口罩後，蝦頭也不忘回撃説：「送口罩傑少有寓意㗎，就係想你唔好同人咁多爭拗！」氣得伍姑娘哭笑不得。
回顧這12個月的節目發展，傑少也有點感觸說：「咁快就一周年，攪到我都有啲感觸。雖然我煮嘅都係家常便飯，但重點係希望大家真係可以學到點煑，然後喺屋企可以自煮自食，令大家嘅生活更加圓滿充實，咁樣我就開心啦。」