【維港會】天水圍街坊馬路旁曬臘味 衛生情況惹關注

近日天氣開始轉涼，不少人都鍾意食臘味，不過有網民發現，有街坊竟然於馬路旁晾曬臘味 ，令一眾網民關注衛生問題。

有網民於Facebook群組「香港行山遠足之友」發文，指在天水圍發現有人將一整排臘味掛於馬路邊路牌上，旁邊更是個正在動工的地盤，形容是「馬路奇景」。根據照片可見，該名街坊用繩綁住兩邊的路牌，好像晾衫般將臘味掛上。該網友笑稱「路過唔好錯過」、「想食隨便攞」，又反諷「封塵臘味，食落更好味」。

帖子引來網民熱議，有網民稱讚臘味「夠曬天然」，亦有網民稱「以前市區都好多人曬，而家就無喇」，有人則笑指大家肚餓可以「去剪條返屋企整煲仔飯」。

有網民質疑衛生情況，指「啲細菌入曬去啦」、「疫情都通街曬，帶埋啲菌返屋企」，又有人擔心疫情下在街邊晾曬會被人「吐口水」。另外不少人亦表示於其他不同地方見到的類似景況，包括同區有人曬菜乾，及有人於長沙灣曬臘味等，擔心衛生問題。