涉謀殺3月大親女 無業父自辯：完全無諗過蓄意殺死個囡

42歲無業父親兩年前涉嫌在年輕20載的妻子離港北上期間，在家把年僅3個月大的女兒，以枕頭及被鋪掩頭窒息致死。父親否認一項謀殺罪，今繼續出庭自辯時指他當時把女兒哄睡後獨留女兒在家，自己亦獨自離家北上，及後妻子回家後發現女兒死亡，他稱：「我都唔知點解會咁，我完全無諗過傷害個囡架喎，無諗過個囡會有事」。他指「我走左搞到個囡死左，如果告我誤殺我承認呀！，但依家話告我謀殺，我完全無諗過蓄意殺死個囡」。

現年42歲的被告張應輝自辯時指，自己離家前抱住女兒哄睡，然後把女兒放在床上打側睡，「頭同個身面向床頭」，他解釋指把女兒放在嬰兒床上會「好易紮醒」，嬰兒床上「有好多咕𠱸同被仔，我驚會整到佢呀嘛」。他形容當時為女兒開冷氣蓋被，「張被摺左兩摺，枕頭咪就咁平排係床頭度」。他離家北上後收到現年22歲的妻子盧殷童發送的訊息，盧稱她會在翌日歸家，所以他「個心定左好多」，但他仍沒有告訴妻子他獨留女兒在家，「我個目的就係想佢（妻子）返到去唔見我呀嘛！」。

張指當妻子告知他女兒死亡時，「我個腦一片空白，我唔相信個囡會死」，妻子激動地說：「個囡死左呀！你做咩走左去呀！我咪話左會返黎囉！」，張則反問妻子：「你唔係已經返左去啦咩？個囡點解會有事」。張強調自己「一定無」用被鋪蓋著女兒，但在國內看到女兒死亡的新聞時，心想：「出左事啦！今次玩大左！個囡真係死左」，感到自責及內疚。張指自己不想面對女兒死亡的事實，而且當時情緒低落，故逗留在國內近兩個月才回港，回港過關時便被警方以「疏忽照顧兒童」的罪名拘捕。

控方盤問張時指出，張指自己「玩大左」是指他以枕頭及被鋪蓋住女兒，而張亦知道獨留年僅3個月大的女兒在家會令她死亡，惟張均回答：「梗係唔同意啦！」。

案件明續，控方將傳召法醫出庭作證。

法庭記者：劉曉曦