【維港會】樹仁學生會會房內食煙飲酒 「笠笠亂」惹爭議

樹仁大學學生會成員於學生會室內食煙及飲酒的相片流出，隨即被批評佔用會房開party，令到會房「笠笠亂」及「密閉嘅空間周圍都係一大陣煙味，每次上到嚟都勁侷促」。

有網民於「連登討論區」以「樹仁學生會喺會房煲煙 隊草 飲酒」為題，轉貼一個Facebook帖文，內容批評學生會浪費資源，但當「學生編委」需要會房時卻被拒絕，但自己卻在房內「開p食水煙」。該網友又批評相中學生會成員「仲要po曬story用間房去chill，係咪以為上咗任就冇人理？」。

相中可見，一批學生於一個密閉空間食煙、飲酒、食水煙及玩啤牌，會房內非常混亂，有大量空酒杯，有人於地下舖地墊睡覺。

有網民質疑，房內混亂「會唔會火燭」，又有網民指「地下咁污糟都仲敢瞓」，有網民則指大學宿舍都有有關情況，認為是「It’s a part of U life」。不過，亦有網民質疑公開相片的網民做法，指涉事成員「已經辭職走左，公開嘅目的係？」，認為他只是想放上網公審他們的行為。