【維港會】港爸打機不湊仔反呻老婆不體諒 網民轟：無資格做人老公

女人生完仔後變另一個人？可能是老公的問題。有網民在「香港討論區」發文，表示老婆生完小朋友後變了另一個人，更力數她的多宗罪，惹來網民一面倒力插「無資格做人老公」！

這名網民表示，自己返工朝9晚5，下班回家後本來想先打幾鋪機，但老婆就發脾氣要他先洗澡。當他正在打機期間，BB突然狂哭，雖然網民正在客廳，但他正在打機不能走開，於是向正在洗澡旳老婆大喊：「出嚟理咗個仔先！」

老婆沖完涼出來，網民又叫老婆準備晚飯。老婆很生氣，指責他日日打機，但網民就認為「我返完成日工要佢煮俾我食先都應該啦......佢係全職媽媽，咁湊仔煮飯唔係應該由佢做咩？」

網民表示，老婆常常呻他沒出色，又後悔當日嫁了給他，但他認為自己上班比老婆辛苦，「佢都係喺屋企嘆住冷氣湊仔，佢明明朝朝未天光就起咗身泵奶，但佢都唔會叫我起身返工，搞到我接近日日遲到。」

除此之外，老婆又會呻自己為了兒子餵人奶，日日只睡幾小時很累，網民就提議她不如餵奶粉，但老婆卻表示想將最好的給兒子，「我咪又係食奶粉大，食到我而家牛高馬大，明明未生之前，我一向都係咁嘅生活習慣架喇，完全唔知佢係咪產後抑鬱，成日發我脾氣話我無資格做人老竇。」

貼文一出，其他網民一面倒力插這個新手爸爸，「過份，都唔知你點做人老公做人老竇」、「你嘅問題，只要你同老婆互換一日咁大把，就無晒疑問架喇」、「照顧小朋友好辛苦，你要改變下生活習慣去配合」、「你不如返番屋企做你阿媽個仔啦！你完全唔了解一個全職媽咪有幾辛苦， 仲要係一個人奶媽咪！只係掛住自己！自私！」