【追7000萬分成】否認聖誕允于文鳳分一成佣金 周星馳：無任何承諾

周星馳遭前女友于文鳳入稟高等法院追討七千萬元投資佣金，周星馳今續出庭抗辯。他否認02年聖誕節應承于文鳳與她分享一成佣金，「我同佢響聖誕節無任何Commitment。」

周星馳在于文鳳代表資深大律師袁國強盤問，他指自98年跟于文鳳拍拖後，不時跟對方討論本港投資話題，包括02年兩人在普樂道7號約會也是討論投資話題，他形容當時兩人開始關係後： 「漸漸知道我鍾意睇樓，漸漸陪我去睇」。他承認在普樂道7號寓所口頭答應分享一成利潤時，沒有向對方說是一種「鼓勵」，他解釋：「係當佢一路陪我，一路對我的支持，但都唔係重點。因為佢一路以嚟陪我睇物業，我覺得係好嘅。」

袁大狀續盤問指，周星馳02年8月至04年3月易手旺角先施大廈物業賺取1300萬，但沒有與于文鳳分享一成佣金。周星馳確認利潤屬實，但解釋為何沒有有跟于文鳳分享一成利潤時指：「分成大部分都係佢提出，可能佢無提出，所以無畀到 。」袁大狀問：「點解要佢提出?」周回應：「首先，依個(02年的口頭應許)係一個講法，一個心意，可能個陣好忙，有其他嘢做，有咁嘅唸法如果大家講起就做，可能個排忙梗唔記得左。」

根據于文鳳說法，周星馳在02年聖誕節以電話和短訊，商業性地應承分享一成佣金給她。因為買入先施大廈時，並未有佣金協定，故她不獲分成。周星馳否認說法：「我同佢響聖誕節無任何Commitment。」

法庭記者：蕭文軒