疫下紅館第一騷得來不易 張敬軒感恩有半場歌迷力撐

沈寂了近一年的紅館，今晚終於回復熱鬧氣氛，原本在去年底開騷的張敬軒，等了一年，終於在紅館舉行一連八場《張敬軒╳香港中樂團盛樂演唱會》，是新冠肺炎疫情爆發後首位在紅館開騷的歌手。

張敬軒以華麗黑色大褸，頭戴長羽毛的帽子出場，中樂團加樂隊共80人，氣勢十足。軒仔獻唱《酷愛》後表示：「大家都返來啦！以往在台下升上來見到呢個入座率會好唔開心，但現時見到呢啲入座率非常感激大家。因為配合紅館疫情下座位限制，大家坐得好疏落鬆動，你們來幾多場我都唱。」軒仔又表示這個騷「得來不易」。

由於場館需配合防疫措施，每場只可容納原定的一半觀眾（6千人），入場前必須量體溫及使用酒精搓手液，觀眾全程需戴口罩及禁止進食。鬼馬的軒仔化身紅館工作人員拍攝防疫措施安全指引片段，於演唱會開場前播放。片中又指避免人群聚集，要歌迷完場後不要在後台聚集等見他一面，因他完騷後會秒速返家「淨身消毒」。
今晚到場睇騷的有英皇集團主席楊受成夫婦、蔡卓妍、關智斌、霍啟剛夫婦及泳兒等。