【曾偉權病逝】契妹透露遺願不設靈 望承傳為流浪貓狗爭取權益

無綫藝員曾偉權不敵癌魔離世，在患病期間一直照顧他的契妹SaSa，在曾偉權好友鄭敬基的個人頻道上載短片，以聲音交代曾偉權死訊。SaSa稱曾偉權在2020年11月12日星期四早上在她與家人、朋友陪伴下已安詳離世，享年59歲（11月22日59歲生日）。
SaSa指曾偉權在這兩年來勇敢作戰，一直沒放棄或畏懼；病患時他不忘照顧流浪貓狗，爭取動物權益，「所以，佢喺我心目中係一位戰士，係一位十分值得令人敬佩同學習嘅人。」
至於後事方面，SaSa說：「權權喺生前同我講過、交帶落，萬一佢不幸離世，千祈唔好同佢設靈，所以我都要尊重佢嘅意見同遺願。識佢嘅朋友都知道佢好怕嘈吵、好怕應酬、好怕煩到人，佢比較鍾意寧靜，所以希望大家諒解。佢話如果思念佢，就為佢祈禱，將思念變為愛嘅力量，承傳佢去繼續為流浪貓狗爭取權益，將佢嘅遺願延續下去。」
SaSa續多謝幫助過他們的「天使」，首先是醫護團隊，藝人朋友方面包括古天樂、陳煒、姚嘉妮和歐瑞偉，特別是鄭敬基夫婦在曾偉權做手術期間隔日就煲湯到醫院探望，出院後也幫忙照顧等。