【港大藏屍】張祺忠描述殺妻前遭踢落床好嬲 心怨:「你仲咁多嘢講嘅」

2020-11-13 18:16
被告張祺忠(小圖)。資料圖片
被告張祺忠(小圖)。資料圖片

香港大學機械工程系副教授張祺忠兩年前以電線勒斃妻子案今在高等法院續審。張出庭自辯時解釋案發時全家因廁所問題爭執的來龍去脈,引述案發前兩夫妻的爭執對話,並形容殺害妻子的經過。兩夫妻經過一輪爭執後,妻子腳踢被告落床叫他走,他便伸手到床下底找拖鞋以步出客廳,但卻拿到電線,他當時心想:「你咁多野講丫嗱」,便爬上床從後以電線箍妻子的頸。

張指他在女兒Nancy因為廁所問題離家出走後準備回房睡覺,妻子Tina在床上以電腦觀看古裝劇《延禧攻略》,張則在床上使用手機,張及後出廳為Tina倒一杯橙汁,但Tina喝後以手機錄音,不友善並以命令方式地說:「盒橙汁喺邊度買㗎?」、「變咗味喎,攞返去換錢啦」、「攞返啲單返嚟」。此舉又令張生氣,他心想「個女見屋企啲橙汁飲晒先買第二盒返嚟,佢買唔番平時個牌子,無理由夜麻麻再鬧佢㗎嘛」,他便向妻子說:「你做咩鬧個女啊,頭先你都搞到個女咁夜出咗街啦,你係咪想鬧到佢以後都唔返嚟啊?」,Tina及後反擊,說:「你頭先見到個女打我,做咩唔制止佢啊!你點做老竇㗎你!」。

Tina在爭吵期間稱:「你咁叻一係你做晒,我唔理啦,我走啦」,張便指:「走咪走囉」,張遂脫下眼鏡上床背向Tina準備睡覺,但Tina在不久後說:「你就想,整好曬啲嘢想我走,我走?你走先啱呀!無我你邊度有咁多間屋呀!」,張不服:「你公道啲好喎,我用人工去借,先買到樓咋喎」。

Tina稱:「打份工好叻咩,旨意你?靠你我揸兜都得啦!」,她突然說:「走啦你!」便腳踢張下床,張當時只想伸手到床下底找拖鞋以步出客廳,但卻「摸到條電線」,他當時心想:「你咁多野講丫嗱」,便拿著電線爬上床,背向張的Tina感受到床上震動,便說:「叫你走啊!返上嚟做乜啊!」,張指他當時「好嬲」,心想:「仲係咁多嘢講嘅你!」,遂走到妻子身後從後「將電線箍落佢條頸度」。

張指自己當時沒有戴眼鏡,而且腦子一片空白,「到我有記憶同知發生咩事嗰陣, Tina個頭同身揼低咗」,自己手上卻拿著兩條電線的線尾,並已打了幾個結。張嘗試反方向解結,但在解結期間令線尾折斷,令他無法解結。張遂把妻子轉身,但發現妻子閉著眼睛毫無動靜。張指自己當時「好驚」,心諗:「下?整死左人?」,他當時指自己「唔想俾人知」他殺了人,亦覺得無地自容,「因為⋯整死左人⋯好大件事架嘛」。

張當時想盡辦法欲藏起屍體,遂拿了房門外的一個深藍色行李箱,把屍體放進行李箱內後,把行李箱放回原位,避免姨仔翌日到房間尋找其妻子時發現屍體。張藏屍後「坐係張床度,唔知做咩好,坐下坐下,瞓吓醒下咁,一路到天亮」。

案件下周一再續。

法庭記者:劉曉曦

建立時間18:03
更新時間18:16

關鍵字

最新回應

關鍵字

相關新聞

熱門文章