【維港會】去公園玩被小朋友推 對方家長拒認錯：小孩子玩就係咁

帶小朋友去公園玩，最怕就是遇到野蠻家長！有港媽在社交網站投稿，指日前與丈夫帶同兒子去遊樂場玩耍時，兒子被一名小朋友推開險從樓梯跌下，港媽遂上前輕聲勸告對方，怎料其家長反駁：「小孩子玩就係咁」，更反斥港媽嚇親其小朋友。港媽最終無奈道：「小孩無錯，錯嘅係大人唔教。」帖文引起不少網民討論。

該名港媽在Facebook群組「生仔要考牌系列」上發文指，上周與丈夫及兒子到遊樂場玩耍，由於兒子僅兩歲大，所以上下樓梯時速度較慢，丈夫一直從旁陪伴，而自己就因懷孕站立在樓梯附近觀看。然而玩耍中途，卻發生始料未及的事，「一個目測4歲左右嘅小朋友走埋嚟，二話不說大力地推開上梗樓梯嘅阿仔，好彩我老公喺佢後面扶住，然後好快就從一條滑梯瀡落嚟。」

港媽見狀輕輕跟對方說道，「小朋友，你下次唔好推人，因為樓梯上推人係好危險，你可以等待一陣或者開聲叫人讓你行先。」然而小孩家長卻走過來，並用普通話大聲對事主說「聽唔明」，隨後又稱自己孩子只是「小孩子嘛」。

港媽聽罷不禁生氣指責對方，「你個小孩推我個仔呀，你嘅就小孩，我仔就唔係小孩咩！佢喺樓梯跌落嚟係咪你負責？」對方聞言竟反駁道，「小孩子玩就係咁，唔應該話佢」，然後繼續不停用普通話指責港媽「嚇親小孩」。港媽遂以普通話跟對方解釋，應該要教小孩不要推人，這樣會很危險。

惟對方依舊假裝聽不懂，又稱不知道小孩推人，「一邊說什麼都沒推到，一邊又辯稱小孩子玩就係咁」。直到港媽的丈夫怒斥：「唔知而家就話你知！ 使唔使幫你教呀」，對方始收口。最後該名家長拉走小孩到一邊，但還是不停用手指著港媽，期間對方小孩不停大叫，「又揈手踢腳咁打空氣，不停發脾氣。之後仲好幾次走埋我仔身邊，個家長都拉返走佢。」

事主感歎道，「小孩無錯，錯嘅係大人唔教，唯有希望佢父母同照顧者快啲去考返個教仔牌啦！」事件引起不少網民留言，有人稱：「講得啱，係大人唔教問題」、「他還是個孩子.......別放過他!」。