【獨家】12歲秀樺開始貪靚 甘比陪大女買化妝品掃平Tee

2020-11-10 13:30
Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time 0:00
 
1x
    • Chapters
    • descriptions off, selected
    • captions and subtitles off, selected

      甘比日前陪囡囡& Friend去中環買平衫同化妝品。
      甘比日前陪囡囡& Friend去中環買平衫同化妝品。

      坐擁近700億港元身家的甘比(陳凱韻),雖然貴為「香港第二大女富豪」,但依舊過着「貼地」的平民生活,除了曾被拍得慳家食麥記、雞蛋仔外,她亦經常帶一對仔女落區做義工,希望小朋友明白幸福非必然。轉眼大女劉秀樺已經12歲,她與時下少女一樣鍾意約同學仔出街玩,日前《頭條日報》記者就見到甘比陪囡囡& Friend去中環買平衫同化妝品,之後秀樺撇甩媽咪跟同學仔去冒險樂園掟彩虹,只係使咗少少錢就贏咗個翠兒公仔,呢位小公主拎住獎品開心地離開。採訪:李維隆、梁志明

      甘比日前陪囡囡& Friend去中環買平衫同化妝品。
      甘比日前陪囡囡& Friend去中環買平衫同化妝品。

      日前下午兩點,一身Casual Look牛仔褲襯衛衣、戴Cap帽的甘比,帶埋大女劉秀樺及其女同學到中環IFC行街街,隨行仲有3個保鑣跟到實。當日甘比都係陪囡囡入貨居多,一行人先到意大利少女服裝品牌BRANDY MELVILLE睇衫,基本上店內貨品介乎百幾至3百之間,非常大眾化!由於天氣開始轉涼,秀樺主力掃咗堆衛衣、外套及手袋仔,揀完試都唔使試,就交畀保鑣叔叔拎去埋單,唔使二千有得着有得用。之後眾人移師去SEPHORA睇美妝,進入青春期的秀樺都好貪靚,睇吓胭脂又睇吓唇膏等,最終拎埋盒Gift set就畀錢閃人,而甘比就全程做「跟得媽媽」,默默尾隨兩位妹子,呢位阿媽認真唔話得。

      日前,甘比陪大女秀樺(左)和其同學仔去IFC行街,同行仲有保鑣跟實。
      日前,甘比陪大女秀樺(左)和其同學仔去IFC行街,同行仲有保鑣跟實。
      秀樺在意大利少女品牌服飾店掃走多件衫和手袋仔,每樣都唔超過3、400蚊,好大眾化。
      秀樺在意大利少女品牌服飾店掃走多件衫和手袋仔,每樣都唔超過3、400蚊,好大眾化。

      又食又玩好開心
      同日下午4點幾,本報記者再於銅鑼灣皇室堡撞見兩位妹妹,但就唔見甘比,剩低兩個保鑣傍實秀樺和女同學「快閃」冒險樂園。待保鑣叔叔排隊唱完金幣後,秀樺捧住大袋金幣走到攤位前,與朋友仔一齊興奮掟彩虹,玩了10分鐘左右,好快就贏得一隻翠兒公仔,惜同行老友就兩手空空離開。秀樺隨即帶隊上4樓,請埋朋友仔食Froyo,有乳酪雪糕食的妹子們都開心晒,同學仔仲喺搭扶手電梯期間,已經迫不及待除罩嗒兩啖,可能媽咪教落疫情嚴重好危險,所以秀樺都好聽話忍住冇除罩,直到返上寫字樓先開餐,好乖女。

      囡囡揀衫,錫到個女燶的甘比就化身「小助手」,幫手遞嘢畀保鑣拎去埋單。
      囡囡揀衫,錫到個女燶的甘比就化身「小助手」,幫手遞嘢畀保鑣拎去埋單。
      12歲的秀樺又喺美妝店揀化妝及護膚品,甘比就全程喺側邊瞻天望地。
      12歲的秀樺又喺美妝店揀化妝及護膚品,甘比就全程喺側邊瞻天望地。
      兩個小妹妹撇甩甘比後,就去冒險樂園換咗一大包金幣掟彩虹。
      兩個小妹妹撇甩甘比後,就去冒險樂園換咗一大包金幣掟彩虹。
      在冒險樂園玩咗10分鐘,秀樺捧住一隻翠兒公仔離開。
      在冒險樂園玩咗10分鐘,秀樺捧住一隻翠兒公仔離開。
      朋友仔接過乳酪雪糕後即除罩食,秀樺就好聽話全程都冇除罩,防疫意識高。
      朋友仔接過乳酪雪糕後即除罩食,秀樺就好聽話全程都冇除罩,防疫意識高。
      甘比先後為大劉誕下3名子女,分別是12歲大女秀樺、7歲二仔仲學和2歲細女秀兒。
      甘比先後為大劉誕下3名子女,分別是12歲大女秀樺、7歲二仔仲學和2歲細女秀兒。
      自疫情爆發後,甘比一直以劉鑾雄慈善基金的名義向基層家庭派發防疫物資。
      自疫情爆發後,甘比一直以劉鑾雄慈善基金的名義向基層家庭派發防疫物資。
      一對仔女仲會陪媽咪一齊入搓手液。
      一對仔女仲會陪媽咪一齊入搓手液。

      關鍵字

      最新回應

      關鍵字

      相關新聞

      You are currently at: std.stheadline.com
      Skip This Ads
      close ad
      close ad
      本網站正使用 Cookie

      我們使用 Cookie 改善網站體驗。 繼續使用我們的網站即表示您同意我們的 Cookie 政策。 Cookie 政策