獲韓國女神DJ Soda欣賞勁開心　陳繹嵐撈過界設計太陽眼鏡

名模陳繹嵐（前名陳嘉容、Eunis）繼早前與友人合作創立自家服飾品牌後，最近她又「撈過界」與眼鏡店老闆合作，推出自己設計的「珍珠太陽眼鏡」。家中有超過50副太陽眼鏡的Eunis說︰「女仔打扮除了衣着重要外，還要有一副好看的太陽眼鏡，雖然自己之後買了很多副，但未搵到一副是自己最愛的，所以膽粗粗去設計一副給自己。咁因為我好鍾意戴太陽眼鏡，又喜歡珍珠，發覺很少有這樣的配搭，於是便跟開眼鏡店的好朋友提議，試試這樣的配搭如何。」

未料首次設計的太陽眼鏡便有不錯反應，連韓國人氣「最性感女DJ」DJ Soda亦鍾情Eunis設計的太陽眼鏡，更戴上節目跳舞，令Eunis相當驚喜︰「估唔到韓國人氣女神都愛我的作品，之前朋友話我知時我都唔信，仲問他們是否看錯，當看到片段後，真係好開心，原來年輕人都認同我的品味。」對於今次「成就解鎖」，作品還衝出香港，Eunis坦言未敢諗要真正進軍眼鏡市場，因還有很多功夫要準備，她說︰「這次其實是想實現自己的夢想，擁有自己設計的太陽眼鏡，當然也想投資這門生意，但我要設計多幾款再考慮。」除了繼續設計時裝及眼鏡，Eunis透露正籌備儀容課堂給年輕女生，於多方面發展做「女強人」。