【中美電影電視節】甄子丹鄭秀文封影帝后　佘詩曼奪視后：好開心X3

2020-11-11 01:49

《第16屆中美電影節中美電視節》開幕式暨「金天使獎」頒獎典禮日前於網上舉行，當中佘詩曼（阿佘）憑內地劇《鬢邊不是海棠紅》勇奪「年度最佳女主角」，她拍片大談得獎感受：「我好開心好開心好開心中美電視節頒呢個獎畀我，好多謝每一位評審對我喺《鬢邊不是海棠紅》入面飾演嘅二奶奶角色表現、認同和支持。」又感激出品人于正及兩位好拍檔黃曉明、尹正，「我哋喺拍攝過程好愉快，大家都擦出火花，多謝Fans咁多年支持同鼓勵，雖然今年疫情關係，只可以喺網上辦頒獎禮，但呢個獎項對每一個演員都係一個好大好大鼓舞，有你哋嘅支持，我哋先可以繼續向前行、努力，希望我以後有更多作品可以入圍呢個頒獎禮，希望有日可以去現場感受吓嗰種氣氛。」至於「年度最佳男主角」，由劇集《隱秘的角落》的秦昊奪得。

另在電影方面，「年度最佳男／女主角」分別由《葉問4：完結篇》的甄子丹，以及《聖荷西謀殺案》的鄭秀文奪得。