與麥雅緻慶祝結婚8周年 張頴康親解為鄭俊弘做兄弟團之謎

張頴康今日在社交網紀念與老婆麥雅緻結婚8周年紀念日，貼上往年慶祝九格圖，及結婚時照片，留言二人如常照顧一對子女至睡覺後，才跟老婆偷偷出街食甜品慶祝，「回顧番之前咁多年嘅結婚紀念日，我哋都冇隆重咁慶祝，每次都係好簡單咁食餐飯，食下（吓）甜品，好好咁回味吓結婚當日嘅情景同心情！證實咗，我老婆咁多年都冇變過，仍然係好簡單，好容易滿足！多謝老婆8年前奮不顧身咁嫁咗俾（畀）我，仲幫我生左（咗）兩個咁聽話嘅小朋友！老婆，我愛你！」
阿康又親解為鄭俊弘（Fred）做兄弟團之謎：「好多人好奇怪點解呀Fred結婚，我會做兄弟！因為大家都唔知道我同阿Fred有幾熟！呢度有一張相，當年我結婚呀Fred都係我兄弟，佢就係企咗喺喊到豬頭咁樣嗰個鐘（鍾）一憲後面！」