【維港會】婆婆呼吸困難急等送院 救護員反遭司機鬧阻街

救人性命分秒必爭，有救護員日前在網上分享同事的經歷指，曾到老人院緊急救助一名呼吸困難的長者，將救護車停泊在最近的停車處，但就被其他司機斥責堵塞道路，更著他們將車開到前面街口，令該名救護員心淡，「如果當日唔係嗰位婆婆，而係你哋自己嘅屋企人、朋友或者你最關心嘅人有生命危險，你仲希唔希望三兄弟將架救護車泊到去老連咁遠嘅街口？」

這位救護員在「公務員Secrets」Facebook專頁投稿，他表示自己三位「兄弟」曾到九龍東某老人院救一位婆婆，老人院位處的街道有很多車房，側邊停泊很多死車，只剩中間的空間僅僅夠救護車行過慢慢駛入。由於救護車一定要泊在距離事發地點最近的停車處，所以最後救護車擋住了馬路，救護員也通知了警察。

正當救護員們準備上去老人院，旁邊的車房員工和的士司機就開始大聲喝罵：「搞X錯呀！泊架車喺度阻住晒成條路，唔使人行呀？泊出去前面街口咪得囉阻X住晒！」救護員沒有理會，儘快去幫婆婆做檢查，發現婆婆血含氧量只得80，而且面色非常蒼白，呼吸吃力。

救護員簡單急救後就立刻送婆婆上救護車，當時救護車後的車龍已有三至四架私家車，後方一眾司機連同周邊車房的員工一齊隨即對救護員大聲呼喝：「有冇搞錯啊，三個人一齊上晒去，條路你哋行晒呀？頂住晒條路！」直至他們見到婆婆面色蒼白，才收聲作罷。

發帖救護員表示，當然將救護車泊去前面街口就不會阻住，但泊在這個位置一定是有原因，救護員只是想盡快將病人送到救護車上。救護員的存在，是為有需要的傷病者治療，「救人嘅嘢，一秒就一秒，如果因為你哋一時方便，令傷病者延誤送院，錯過治療嘅黃金時間，你過唔過意得去？」

網民紛紛留言感謝救護員救傷扶危，「你哋冇做錯到」、「無同理心同條咸魚一樣無分別」、「應該叫死車泊返啱嘅地方，留返條車路，本身就違例泊車，做乜講到理所當然咁？」