【維港會】過期單據換禮物被拒 惡客鬧喊店員：抵你一世坐喺度

雖然常說「今時今日咁嘅服務態度唔夠㗎」，但不少顧客的無理要求亦實在難頂。有網民幫商場做換禮物活動，就遇到無理顧客拿過期單據換禮物，網民無奈拒絕，但惡客就「發爛渣」，更大鬧「抵你一世坐喺度」，令她委屈落淚，事件也引起網民熱議，紛紛批評客人無理取鬧。

網民在「西客Hi客之道」Facebook專頁投稿，指她幫某商場做換禮物活動，遇到一對夫婦來換禮物。由於兩人未成為會員，網民先安排他們做會員，然後再處理他們的單據。不過兩人拿出一張兩個月前的單據，網民唯有解釋已過期，請他們再拿其他單據。「點知呢對夫婦就不滿，開始鬧我，話抵我一世坐喺度，人身攻擊」。

之後兩夫婦再拿來兩張單，但有一張仍然過期，網民唯有再解釋，「佢哋又開始鬧，話我特登搵錯處，同埋開始大聲發脾氣」。擾攘一番後，兩夫婦再拿來第三張單，這次終於沒有過期，但網民仍要按程序問清楚單據資料，「之後佢哋又開始鬧啦，問我問咁多做咩，又唔見我問其他客，一定係全心刁難佢地」。

事件越鬧越大，兩夫婦找來店鋪負責人，負責人也意識到事件棘手，「佢哋越鬧越大聲，開始鬧埋我屋企人」，甚至驚動保安。最後兩夫婦終於換到禮物，但仍邊走邊鬧，路過的街坊都停下張望，網民因太委屈終於忍不住落淚。不過好在有好心街坊走來安慰她，著她不要在意，令她感到一絲溫暖。

不少網民都留言批評「香港大把呢啲人，以為自己係客就大大條道理」、「做service真喺唔容易, 但記住一點, 唔好為咗一個唔認識嘅人講嘅嘢令自己唔開心, 將個客對你講嘅傷害性說話咁入心喺唔值得㗎。歷練會令人成長！ 」、「為咗小小利益，要幾肉酸有幾肉酸」，也有同樣從事服務業的網民支持女職員，「我生出嚟唔係被人侮辱嫁，商場都有權唔畀佢換禮物，一句話佢地搞事要保安趕佢地走就解決咗」、「我都前線，有要求嚟諮詢仲好似我欠佢咁」。