MIRROR兩周年直播宣佈推出實體碟 姜濤自爆在台灣交女友

人氣男團MIRROR晚上開Live慶祝出道兩周年，隊長Lokman報喜，宣佈MIRROR將推出實體碟，下周開始預購，除了收錄6首團歌外，亦會有各成員的Solo歌，合共21首歌曲，更有「雙版本」滿足歌迷！正在台灣錄歌的姜濤也有連線對話，戴上帽子及口罩的他，僅露出雙眼，Ian即反問：「係咪阿海（同行經理人）扮㗎？」姜濤尷尬解釋因沒化妝，加上久未與隊友們談天，感到緊張，期間更緊張到玩橡筋，笑爆全場！
姜濤又預告劇集快將拍竣，本月中便會返港，但避答是否已減肥成功，更賣關子說：「大家睇MV咪知囉！」當Stanley問到今次的MV有何不同時，姜濤竟說：「有我喺台灣交嘅女朋友！」令人嘩然！他急急澄清只是講笑：「唔係呀！講笑咋！因為新歌是輕快情歌，所以會有女主角。」當大家教他要學Anson Kong趁拍MV時奉旨「曳曳」，姜濤即說：「哈哈！我會㗎喇！」他又謂在台灣學了很多台語，但不能公開講，回港時會私下教隊友。Stanley再追問他為何老是在他睡覺時吸塵，而且只清潔自己房間？姜濤竟說：「我返嚟得閒會返公司吸塵㗎喇！」隊友也不禁笑他九唔搭八！
最後MIRROR玩遊戲接受大懲罰，「教主」Anson Lo、Edan、Jer及Tiger慘變「花面貓」，向來玩得的Edan更要被10位隊友輪流畫面，幾乎被唇膏「填滿」整塊面，難怪他也自嘲似「肉醬意粉」。