做飲食節目為求效果靚黎諾懿煮蟶子搞到搶火幾層樓咁高

2020-11-01 15:26

黎諾懿及戴祖儀（Joey）等為節目《疫境廚神秋冬盛宴》錄影，煮嘢食好叻嘅諾懿表示節目會邀請一百名素人參賽者參與，他們要炮製指定菜色，最特別的環節是參賽者要在3分鐘内煮8人餸。而他也會下廚煮4個菜，講到煮蔥爆蟶子時為求效果靚，特別加多一羹油搞到搶火，火勢好勁更達幾層樓高，當時他表面扮冇嘢，其實好驚燒到上面的機器。

Joey也說擔心搶火燒到諾懿的眉毛，而她在節目中負責食不用下廚，笑言為大家生命着想，今次先學煮，下輯應該難逃一命。Joey表示自己也會煮水餃及簡單菜式，諾懿指她是幸福的人，正如她太太也唔識煮。問Joey會否物色懂廚藝的對象？她直言懂廚藝會加分，不過科技發達叫外賣都可以，或者她會學，透過節目廚藝應該都有進步。