【維港會】小朋友扮消毒搓手液 網民大讃「勁得意呀」

明天便是一年一度的萬聖節，今日有不少學校舉辦萬聖節party，不少家長出盡奶力幫小朋友扮鬼扮馬，有網民見到佢地都忍唔住影相share。

有網民在「PLAY HARD 玩硬」群組分享小朋友返學時的相片，大讚「非常可愛」，有小朋友扮恐龍，有人扮千與千尋的無面男，最搞怪係竟然有小朋友扮消毒搓手液，咁貼題，真係不得不大讚嗰位家長創意滿分。

好多網民留言指小朋友十分可愛，又笑稱小朋友是「暴龍哥」。有網民稱，「呢啲先係哈佬喂！」指成條街都係公主，王子唔夠分。