人肉Zoom幫老婆影出浴照 陳展鵬：都唔好露咁多

陳展鵬與林夏薇為無綫節目《流行經典50年》錄影，薇薇首次唱合唱歌很大壓力，即找唱歌老師惡補三堂。陳展鵬笑指見薇薇如此認真都大感壓力，亦抽時間到廁所練歌。
展鵬太太單文柔日前於社交網分享背面出浴照，他笑說：「唔係邊個影，佢有著衫嘅，不過都唔好露咁多喇！」問其攝影技術太太是否滿意？他即時滔滔不絕說：「我都係盡做，有時真係影到暈，就係未儲到錢買鏡頭，要人肉Zoom，又痞低又左又右，不同過程係開心嘅！」

薇薇就大讚丈夫影相非常有水準，只需10分鐘左右已影到靚相。她笑說：「佢話識得影佢愛嘅人。」展鵬靈機一動，表示可以跟薇薇丈夫偷師，但笑謂：「唔係喎！如果咁快影完，驚老婆會換多幾套衫喎。」