獲4美相伴靚湯冇呷醋 馬明唔抵得蕭正楠夫婦晒恩愛被「圍剿」

馬國明最近忙拍新劇《兒科醫生》，昨晚他在社交網貼上演員大合照，當中包括老友鄭嘉穎及海俊傑；他今日再分享一張「走仔」合照，只餘下靚媽鍾嘉欣、周家怡、龔慈恩及郭少芸，獲4美相伴的馬明坐正中間，並鬼馬留言說：「只有靚女……much better……哈哈哈哈哈……🤤🤤🤤🎉🎉🎉🎊🎊🎊」，配以流口水及開心慶祝的emoji。女友湯洛雯（靚湯）亦沒呷醋，「夫唱婦隨」地留下流口水emoji，馬明即回覆「拉鏈嘴」及「篤手指」公仔，「湯馬」的溫馨互動閃爆一眾網民！
另外，蕭正楠在社交網貼上為老婆黃翠如今日（23/10）39歲生日的慶生動圖，馬明「妒忌」留言：「你2個最恩愛喇……🙄🙄🙄」，即被網民「圍剿」：「馬生馬太也可以」、「你好似講到你唔係咁」、「你都唔差啦」、「講到最恩愛一定係你哋」、「你哋仲恩愛啦，一齊閃爆佢」、「你同靚湯都好恩愛」、「你同靚湯放閃都好勁下」等，幾乎喧賓奪主。