賀老婆39歲牛一 霍啟剛飯後陪郭晶晶浪漫散步

全國政協委員霍啟剛自從開咗IG後都更新得好頻密，除咗工作嘢又會po吓家庭嘢，唔太悶都算識玩。

上周四係霍太郭晶晶嘅39歲牛一，霍生喺IG Story分別貼同老婆拎蛋糕賀壽及散步嘅相，留心重點就係啲Hashtag， 一張係「#happybirthday」 「#mywife」再加對心心眼emoji，另一張就係飯後散步照，郭晶晶繞實老公，背景有個旋轉木馬，非常浪漫，Hashtag仲相當甜，「#陪你」、「#靜靜地散步」和「#兩個人」，睇唔出霍生份人都幾暖㗎喎。