星島日報

【獨家】成立二人樂隊DisCover 黃進林以達明一派為目標

2020-10-15 19:19
黃進林、德哥目標成為年輕牌版達明一派,期待真係可以喺下月睇佢哋嘅演唱會。
黃進林、德哥目標成為年輕牌版達明一派,期待真係可以喺下月睇佢哋嘅演唱會。

喺逆市下,作為歌手唔可以坐以待斃,要搵路求生。好似去年6月以一曲《分開紀念日》正式出道,有靚聲王之稱嘅黃進林(Michael),除咗作個人發展外,仲會同結他高手郭俊德(德哥)組成2人band DisCover。兩人將於10月28日在香港科學館演講廳舉行《疫境同行音樂之旅》,宣佈合體兼發布最新單曲《回南天》,兩人異口同聲話好想成為年輕版「達明一派」。採訪:方騫平

黃進林、德哥目標成為年輕牌版達明一派,期待真係可以喺下月睇佢哋嘅演唱會。
黃進林、德哥目標成為年輕牌版達明一派,期待真係可以喺下月睇佢哋嘅演唱會。
黃進林(Michael)(左)及德哥(郭俊德) 會喺10月28日合體成立2人band DisCover,以新身份進軍樂壇,並推出單曲《回南天》。
黃進林(Michael)(左)及德哥(郭俊德) 會喺10月28日合體成立2人band DisCover,以新身份進軍樂壇,並推出單曲《回南天》。

黃進林、德哥、雷深如 (J.Arie)3人喺伍仲衡Live Show結緣,日前仲結伴接受薛家燕、范振鋒及思敏主持嘅新城電台節目《開心大派對》訪問,講吓未來發展動向。家燕姐大讚3個年青人對音樂有熱誠,問到有乜貼士畀新人,家燕姐說:「做音樂好似好簡單,其實要好用心,佢哋係要好有毅力撐住佢。不過,好欣賞佢哋有禮貎,咁會事半功倍,佢哋好有理想,我睇好佢哋,樂壇都需要佢哋,(邀請佢哋跳十字步?) 希望明年成事做到勵志音樂劇,咁就搵佢哋參與。」三人開心到嘩嘩聲。

家燕姐大讚雷深如 (J.Arie)、黃進林、德哥有禮貌,對音樂又有熱誠,承諾明年開音樂劇預埋佢哋。
家燕姐大讚雷深如 (J.Arie)、黃進林、德哥有禮貌,對音樂又有熱誠,承諾明年開音樂劇預埋佢哋。
黃進林、德哥好欣賞達明一派,希望好似佢哋咁有成就。
黃進林、德哥好欣賞達明一派,希望好似佢哋咁有成就。

二人組合冇交嗌
Michael同德哥好期待成立DisCover,到時可以用新身份進軍樂壇,Michael係主音,德哥就主力彈結他及寫歌,笑言二人Band先至冇交嗌!而且大家方向好一致,好夾。問到係咪想成為「達明一派」接班人?兩人都希望可以做到,因為𠵱家市場冇呢啲組合,德哥說:「好有緣,同我合作無間嘅填詞人周耀輝早期係幫達明寫歌㗎!我哋都有同周耀輝提過呢個問題『我哋算唔算係十幾年後嘅達明一派呢?』」Michael笑說:「我哋未必一定跟足達明,可以先創造一個style,慢慢摸索。」德哥表示:「暫時構思一系列藍調元素歌曲。」傳達明一派有機會喺今年11月中開show,黃進林話好想睇,大讚「達明一派」獨特曲風最吸引,同埋佢哋好有style,希望能夠學習佢哋建立到自己風格。

黃進林、德哥喺10月28日香港科學館演講廳舉行《疫境同行音樂之旅》。
黃進林、德哥喺10月28日香港科學館演講廳舉行《疫境同行音樂之旅》。
黃進林入行初期經常喺銅鑼灣Busking。
黃進林入行初期經常喺銅鑼灣Busking。
黃進林、德哥、雷深如喺伍仲衡Live Show度結緣,一見如故。
黃進林、德哥、雷深如喺伍仲衡Live Show度結緣,一見如故。
J.Arie 今年7月出嘅作品《雙面哈菲》反應好,稍後會再做一系列講精神病嘅歌。
J.Arie 今年7月出嘅作品《雙面哈菲》反應好,稍後會再做一系列講精神病嘅歌。

最新回應

關鍵字

相關新聞

熱門文章