與Bob為拍戲考巴士牌 王菀之:驚過上紅館

2020-10-16 15:31
Bob自認天才,王菀之則在錯誤中取得經驗,二人終於成功考牌。
Bob自認天才,王菀之則在錯誤中取得經驗,二人終於成功考牌。

王菀之(Ivana)和林盛斌(Bob)在寰亞電影《阿索的故事》一片中演巴士車長,為求拍攝認真,二人上堂苦練後,終於成功考到牌!
二人在首日學車均充滿自信,Ivana信心爆燈表示,先要適應巴士個SIZE,並小心翼翼聽從阿Sir指導,不過巴士如此龐大難免有些難控制,在轉彎位時搞到Ivana嘩嘩大叫!學車後Ivana一面愁容說:「我剛才肥咗六次喺黃線度,又有一個危險過程,突然有一個學神喺我架車嚟緊佢去開門落車囉!我就扭軚!呢個係全世界最危險,因為咁大架巴士係不能扭軚,只能煞車,好在我已經試咗啫,咁再出到路面我知點做,同埋我要改下啲習慣,因為我會交义手扭軚,原來巴士係唔可以咁揸!」
Bob亦同樣信心十足說:「阿Sir讚我讚到飄飄然咁,又話我好過王菀之好多,咁我轉彎時候可能唔係咁順,不過阿Sir話我第一次揸有咁嘅表現,已經算係天才!」
雖然他們考試前十分擔心肥佬,但結果都不負眾望 ,成功過關,Ivana緊張的說:「嘩!我竟然合格呀!真係直情係要喊,真係好大壓力呀,係驚過上紅館,要冷靜下先,我已經正式係一個巴士女車長!」
Bob也是異常興奮,他飛撲去多謝導師,笑言開心到流眼淚咁滯,要擺返幾圍慶祝!他說:「等結果時我又祈禱又求神又拜佛咁,好似我喺產房睇住我老婆生BB咁開心。」

Bob自認天才,王菀之則在錯誤中取得經驗,二人終於成功考牌。
Bob自認天才,王菀之則在錯誤中取得經驗,二人終於成功考牌。
王菀之與Bob先專心上堂。
王菀之與Bob先專心上堂。

王菀之揸到心驚驚。
王菀之揸到心驚驚。
Bob入形入格。
Bob入形入格。

關鍵字

最新回應

關鍵字

相關新聞

熱門文章