【維港會】患癌母時日無多 港女親學斬雞方明為母不易

每個媽媽都有自己的拿手好菜，令子女在外都懷念媽媽的味道。但母親不易做，有港女的媽媽不幸患上胃癌，知道媽媽時日無多，想為她煮一餐她最愛的炒雞，才發現原來斬雞不是易事，不禁感嘆「為母則強」，呼籲大家珍惜每個相處的當下。

有港女在「Day Day Explode日日爆」發帖，指自己想挑戰炒雞，才發現洗雞切雞好高難度。港女自稱不擅煮食，對住一整隻生雞，「我想分享果種唔知邊個位落刀嘅矛盾心情，我真係唔係做法醫同解剖嘅人材，其實洗雞果陣，邊啲要？邊啲唔要？」 最後全部擘開成一件件，已累到雙手無力，「同埋啲雞件係『披口』嘅......好擔心食嘅時候會俾啲骨插損個口腔」。

港女解釋，煮雞是因為媽媽鍾意食雞，一聽到煮雞就非常雀躍。媽媽不算識得煮食，但煮雞一流又有要求，更經常研究新煮法。可惜媽媽患上胃癌，身體太虛弱已不能再下廚。近兩年媽媽經歷醫病復發再醫病，港女知道日子不多，非常珍惜每日和她相處，想學到媽媽的一招半式。「媽咪學識唔多，要教好我哋，好多嘢都要頂硬上；我以前所有嘢都take it for granted，到宜家要親手打理呢頭家每件大小事，我先知道媽咪呢個女人有幾本事。」她提醒大家不忘欣賞媽媽們的「為母則強」，最重要是珍惜每個相處的當下。

貼文感動網民，有人指「好少見到欣賞媽媽廚藝的post，仲要有反饋的心、硬著頭皮勇敢出手，好難得啊」、「我諗伯母見到你可以靠自己摸索點煮，係最安慰嘅」、「細到大睇我阿媽煮飯，都知唔少，不過到我落手整，就總係唔係嗰回事......我都係嫁咗，先愈來愈覺得阿媽真係好勁好偉大，佢一直都係家庭嘅無償照顧者」，亦有人就表示深明斬雞的困難，並提出各種實用建議，「初學者建議用廚房剪刀，如果想斬先將雞打橫切開會易斬好多」、「斬完好多碎骨，我會再沖多一次水，揀走啲骨」、「下腹位，咪住兩邊條肶上方斜劏，v字型咁，會好快分左上下半莊」。