新唱片參與度高　　胡鴻鈞：創作歌手真係當之有愧

胡鴻鈞（Hubert）日前作客TVB娛樂新聞台節目《StarTalk》，接受主播許文軒（Edmond）專訪，大談再推出新碟感受。Hubert說：「今次出碟感受好深，一來經歷咗上年喺音樂上嘅休息，再加上之前拍劇受傷，所以有一種重新出發嘅感覺，休息嘅時候可以畀時間自己同自己傾計，更清楚知道嚟緊條路可以點行，或者以往發生嘅事有咩做得唔夠好，可以點改善。」

談到今次唱片參與度高，更加有一半作品屬其創作，成為真正的「創作歌手」，Hubert說：「創作歌手呢個名真係當之有愧，自己唔係創作出身，亦唔係以創作歌手姿態入行，所以呢條路都係慢慢摸索中，𠵱家努力學習同創作。」問到新專輯中的歌曲唱腔有所改變，Hubert直認不諱，他說：「參加比賽出身嘅歌手，好多時都會有Show Off嘅腔口，而家聽返覺得有啲造作，同埋𠵱家後生嘅歌手同埋個潮流，唱嗰時都唔會太Over同唱得太用力，佢哋唱得好舒服，但有好多情緒，亦有技巧，我同監製商量後決定將把聲放輕好多，我都係一路學一路錄。」