【維港會】港媽呻同住奶奶自私 反被起底揭奶奶賣樓助「上車」

婆媳關係向來是棘手問題！一名港媽近日在網上討論區大呻奶奶入屋同住後的自私事件，惟被網民「起底」，揭發其住屋是由老爺奶奶賣樓套現以協助支付首期。網民紛紛留言指責該名港媽不知感恩，事件引起討論。

一名港媽在親子王國討論區以「1人1個！同住奶奶自私行為討厭至極排行榜 」發帖，大呻奶奶的自私行為。港媽指，自己睡前煲好熱水，原打算翌日早上待熱水放涼後直接裝進水樽，惟奶奶翌日起床後直接將水倒掉，重新煲熱水。港媽強調，家人還有其他裝水的玻璃樽及熱水壺，直斥奶奶過份，「乜嘢構造先可以自私成咁」、「完全唔理解 」，又稱奶奶只是「暫住」家裡，一直當自己租間房，不常與家人溝通。

有網民就認為港媽遇到的僅是「雞毛蒜皮之事」，建議一家人可平心靜氣溝通問題，亦有人安慰港媽：「老人家生活習慣唔易改變，呢啲小事係好煩人好困擾，但同一屋簷下唯有諗個方法適應下」。

然而，有網民「起底」後發現，港媽現時的住所由老爺奶奶協助支付首期的。有人翻查港媽過去的帖子，發現港媽曾發文大讚奶奶，指老爺奶奶協助他們支付首期，賣了當時自住的單位，「奶奶連自住樓都賣，拎筆錢比佢哋買樓，自己去打工租屋住，究竟有幾多奶奶可以做到咁？」不少網民留言批評港媽：「你而家層樓，都係奶奶賣咗層樓你哋先有首期，而家因為奶奶失業先去你度住，你真係無得SAY NO喎」，勸諭「受得咁既人情，好多野都要忍」，又有人指責港媽：「做人要學識知足、感恩、少少事都上網想公審奶奶」。

港媽隨即反駁：「我依家層樓係我租嘅，同奶奶無關。唔係比錢、比首期就可以自私到盡頭。」又繼續力數奶奶：「自私事件一籮籮，叫佢幫忙餵貓一餐，唔使整齊放出嚟，佢話佢唔做呢啲嘢。」、「洗嘢只洗自己嘢，無問題，但洗完又油又污漕嘅水浸住你原本放喺度嘅小朋友餐具，又自私唔自私?」她大呻「唔知點解比人入侵間屋，變成好似我先係暫住緊」。

港媽的言論惹來很多網民指責：「佢奶奶真係唔應該賣樓幫佢哋啦，幫咗人仲要俾人數，兼搞到自己好似乞兒咁調反轉寄人籬下……。」又有人質疑港媽：「你將奶奶賣左自己層樓比錢你哋做首期買嘅個層樓，賣咗出去呀？點解依家要租樓呀？一係比番哂啲錢佢叫佢搬囉，一個崩都唔好欠佢嘅。」但港媽則堅稱：「係囉『想』畀錢我哋畀首期，然而停留喺『想』位置，同埋同post有講返，賣樓錢分3份，舊嗰層樓我老公有份供，只係拎返自己嗰份」。