【維港會】奶奶拒絕每日九龍入大西北湊B 新抱埋怨:湊孫係責任

照顧小朋友是父母責任，但近日一名港媽就抱怨，指一家人搬入「大西北」，奶奶嫌每日往返太遠而拒絕湊孫，大鬧奶奶不負責任，更叫老公要「搞掂奶奶」，引起網民熱議。

網民在「親子王國」網上討論區分享同事的故事，指女同事有個3歲及1歲的小朋友，因和奶奶同住多有爭執，兩夫婦搬到「大西北」住，請了工人照顧小朋友。但同事不放心工人，想奶奶每日由九龍搭車入大西北到家中湊小朋友。但奶奶認為太遠拒絕，並且表示要煮飯給老爺。

同事非常生氣，「幾乎日日呻佢奶奶衰，話做人爺爺嫲嫲，湊孫係責任，難道BB唔使人湊，就會自己長大？唔可以成日淨係過嚟同BB玩幾個鐘頭就走咗去」，更認為其他朋友的奶奶「都唔知幾鍾意爭住湊」，而自己奶奶就拒絕。

網民解釋，同事的媽媽有病入了老人院，因此不能湊BB。兩個小朋友對住不熟悉的工人姐姐每日都哭鬧，「喊到嘔都試過，姐姐幫佢哋一日打幾次FaceTime俾我同事，每次FaceTime完，肉赤啲仔喊，收咗線就忍不住又呻佢奶奶好衰唔過去湊」。同事為此曾在公司與老公講電話鬧交，叫老公一定要「搞掂奶奶」，更批評奶奶不負責任。原來奶奶從沒答應湊孫，老公一早知道，故早在搬走之前已一心打算請工人，但沒有對老婆說。

帖文引起熱議，「搞唔掂就唔好生」、「長老湊大仔女已經盡曬責任啦，點解仲要重新嚟過湊孫」，亦有人表明不會湊孫，「免得揹上了重任，搞搞下學做人，供書教學，一日三餐都入晒自己數，仲被人嫌棄」。