【「登七」大壽】 為自己「加冕」 李司棋重拾52年前獲「香港公主」情懷
2020-09-29 11:00 
9月26日係李司棋「登七」大壽，踏入生日月，圈中好好人緣嘅司棋姐得到唔少朋友替她慶祝，壽星女除咗吃過不停，相當有口福外，仲收到唔少好精緻嘅禮物。昨晚司棋姐上載新一輯嘅慶生相，相中粉橙色「香港公主」主題生日蛋糕，蛋糕上有后冠裝飾，另有大盤茂密蘭花，代表她人比花嬌，相當有心思。
司棋姐童心未泯，她搞鬼地即席拿起蛋糕上嘅后冠裝飾扮作再度「加冕」，雖然只係自己幫自己「戴上」后冠，但仍然樂趣無窮，她還環抱住盤蘭花，非常開心，留言：「Feeling so loved！」網民留言：「好可愛嘅香港公主，生日快樂！」、「終於得到香港公主皇冠」、「美女生日快樂。」
關鍵字
最新回應