谷4吋事業線「胸」贏兩亞姐　崔碧珈認衰格10年冇陪媽咪去旅行

2020-09-22 20:55

崔碧珈（Anita）及兩位2019年亞姐范莎莎、張可盈今日現身亞洲電視城，出席亞洲電視數碼媒體和鳳凰水域製作公司合作的國際懸疑驚悚片《封鎖》（Lockdown）記者會，擁36G導彈的Anita更以Deep V貼身長裙，力谷出4吋事業線，非常性感，兩位密實打扮的亞姐隨即比下去！

Anita直言跟電影其中一方製作公司有3個合作計劃，她表示：「因為疫情影響有好多拍攝都停咗，有啲應該喺半年前已經開拍，今次呢套電影仲會喺多國進行拍攝，暫時知道我嘅戲份喺香港。」不過她指，娛樂圈雖然受疫情影響，但最近卻多了網上商業活動，自己亦密密於網上消費，笑問單身的她可有網購男友？Anita
笑道：「冇。」

提到中秋節將至，由於家人總數超出限聚令人數，故Anita透露會在家食飯做節，其後她又認「衰女」，自爆10年沒有與母親出國旅行，她笑說：「我都幾衰格，因為疫情心態變了，最想同媽咪去巴黎、東京，以前有得去又唔同佢去，而家冇得去就好想同佢去，之後出國做嘢都會帶埋佢。」此外，她又稱未有聽聞亞視遭入稟清盤一事，坦言今次是透過英國工作室促成合作。