星島日報

【好認真】挑戰《你還好嗎》泰國篇 胡慧冲一句簡單對白重拍80次

2020-09-18 11:00
「泰國通」胡慧冲於TVB今晚播出的《你還好嗎》「泰國篇」探討喺疫情下曼谷市內情況,包括空虛嘅曼谷機場。
「泰國通」胡慧冲於TVB今晚播出的《你還好嗎》「泰國篇」探討喺疫情下曼谷市內情況,包括空虛嘅曼谷機場。

新冠肺炎疫情衝擊全球,各地遊遊業都進入寒冬,由張志明監製嘅TVB專輯節目《你還好嗎》,走訪世界各地報導疫情如何影響當地民生和經濟。而今晚及下周一晚嘅「泰國篇」,就搵嚟有「泰國通」稱號嘅居泰港人胡慧冲(Roger)拍攝。Roger接受頭條日報訪問時,形容今次對他來說係好大挑戰,因為平日喺《沖遊泰國》系列嘅旅遊節目都習慣用輕鬆搞笑手法嚟拍攝,會搞吓爛gag,但今次要收起嬉皮笑臉,一本正經演繹,提供正面資訊,最高峰,試過一個好簡單嘅對白拍足超過80次,算係拍TVB節目以嚟最認真嘅一次。

 
 
Roger說:「7月疫情最嚴重時,我都有不停拍片,拍吓市面情況,放喺YouTube自家頻道播出,當接獲編審岑應邀請,手頭上嘅資料就大派用場,絕對夠用。由寫稿到拍攝,岑應亦任我發揮,所以不容有失都有壓力,就算一句簡簡單單對白,都要求不停重拍30次到80次不等,幸好出嚟效果好滿意。」

 

今次主要探討喺疫情下曼谷市內情況,包括翟道翟週末市場、當地五星級酒店優惠安排、訪問香港人娶咗泰國人妻家庭、居泰港人等狀況,拍足5日,相當用心。由拍攝至今經已相距兩個月,Roger話𠵱家泰國市面基本都回復正常,馬照跑,舞照跳,派對照開,啲人照出街,戲院都開返。而泰國人好自律,個個都帶口罩。但經此一役,他體會到原來好多嘢都唔係必然嘅,所以要好好珍惜,正如以前咁,他可以好隨意咁買機票返香港,做完嘢,探完家人就折返回,相當方便,𠵱家有8-9個月冇返屋企見家人,之前封關時,就連簡單坐底飲杯咖啡都有困難。

 

之前播出TVB資訊節目《這麼遠,那麼近》泰國主題嗰集,方東昇本應預咗Roger幫手拍攝,安排他坐吓電單車、搭船等,點知Roger乘坐助手嘅座駕,因為爆咗呔加埋大塞車搞到姍姍來遲,最後只能變咗過鏡式演出,他除了可惜及感到不好意思外,再一次領悟到多嘢都唔係必然嘅,所以要好好珍惜每個機會。

「泰國通」胡慧冲於TVB今晚播出的《你還好嗎》「泰國篇」探討喺疫情下曼谷市內情況,包括空虛嘅曼谷機場。
「泰國通」胡慧冲於TVB今晚播出的《你還好嗎》「泰國篇」探討喺疫情下曼谷市內情況,包括空虛嘅曼谷機場。
泰國文華東方酒店米芝蓮法國餐廳Le Normandie喺疫情下放寬,畀包河景套房嘅人客喺房內享用法國餐嚟吸客。
泰國文華東方酒店米芝蓮法國餐廳Le Normandie喺疫情下放寬,畀包河景套房嘅人客喺房內享用法國餐嚟吸客。

胡慧冲走訪地道時裝店。
胡慧冲走訪地道時裝店。
之前跟方東昇及《這麼遠,那麼近》主持人合照。
之前跟方東昇及《這麼遠,那麼近》主持人合照。

個多月前嘅泰國夜市好冷清,Roger執起被棄置,用他做生招牌嘅流水活蝦食店海報影相。
個多月前嘅泰國夜市好冷清,Roger執起被棄置,用他做生招牌嘅流水活蝦食店海報影相。
泰國人創意無限,將口罩設計成彩票嚟苦中作樂。
泰國人創意無限,將口罩設計成彩票嚟苦中作樂。
當地人手望相助,自發性推出內有牛奶、即食麵、飲用水等嘅「幸福箱」,放喺街頭畀有需要嘅人享用。
當地人手望相助,自發性推出內有牛奶、即食麵、飲用水等嘅「幸福箱」,放喺街頭畀有需要嘅人享用。
身處時裝店內,介紹泰國喺疫情下,設計師設計咗特色口罩嚟襯衫。
身處時裝店內,介紹泰國喺疫情下,設計師設計咗特色口罩嚟襯衫。
訪問居泰港人生活及感受。
訪問居泰港人生活及感受。
訪問冷清嘅翟道翟週末市場店主如何「疫」境自強。
訪問冷清嘅翟道翟週末市場店主如何「疫」境自強。
訪問喺泰國娶咗人妻嘅香港老公,如何千辛萬苦,經過多重驗測返泰國慰妻女。
訪問喺泰國娶咗人妻嘅香港老公,如何千辛萬苦,經過多重驗測返泰國慰妻女。
到訪Spa店老闆了解生意狀況。
到訪Spa店老闆了解生意狀況。

最新回應

關鍵字

相關新聞

熱門文章