一提偷食女友即開錄音機 謝東閔乜都話OK

謝東閔亦有出席《殺手》宣傳活動，是他繼陪女友朱智賢出席偷食人夫黎振燁記者會後首次公開現身，東閔表示自己在劇中尚未登場，他不用拍打戲，又指角色性格好複雜。

記者問到謝東閔心情如何？他說：「我好好，一切正常，幾個月嚟都係開工、唱歌同宣傳、拍戲，生活好充實。」再問朱智賢呢?他說，「正如記者會上講，目前做返自己應該做嘅事，一切正常，我有陪佢，佢心情ok。」至於女方何時復工？東閔表示冇問，然後再重申佢心情ok，待女友有機會出來，再由她親自交代。最後問朱自然為復工做好準備未？謝東閔再次以「佢ok，心情都ok。」來答覆。

有指無綫將就藝人合約「加辣」，若出現緋聞或政治表態造成損失，要藝人負責賠償，東閔表示未聽聞過，所以不欲多講。