【維港會】見經典微波爐用25年未壞 網民紛炫陳年電器

近年的電器不少都只是用三兩年就壞，不少人都覺得以前的電器反而更「襟用」。有網民在連登討論區展示家中一部經典微波爐，用25年未壞，吸引一眾網民炫耀自家的陳年電器。

網民上載一張樂聲牌微波爐圖片，稱經搜尋之後才知道原來Panasonic以前叫「松下」（「樂聲」），指「呢個微波爐細細個由舊屋帶過黎，呢到都住左20年，保守估計部嘢用左25年 ，一直都想換部多功能啲但用極都唔壞，Made in japan真係有保證 ，反而依家新嘅洗衣機 雪櫃就成日壞 」

有網民留言，「同你同一款喎！真係廿幾三十年無壞」、「我都係用呢隻，不過黑色版，我都係用24-25年，唔識壞嫁。係個燈泡燒咗無去換，同埋個Watt 數無咁足，中火無以前咁夠熱」、「呢個微波爐真係經典，細個第一部買既微波爐，搬完幾次屋都仲用緊」。

其他網民紛紛分享自家用了最長時間的電器，「雪櫃，用咗十幾年」、「National風扇，用咗30年」、「電熱水爐，用咗差唔多40年」、「屋企電飯煲應該差唔多廿年」、「金章洗衣機，用咗24年，意大利貨」、「廿幾年前made in sweden既whirlpool微波爐仲用緊」、「日立冷氣、聲寶微波爐都用左廿幾年，仲有唔常用的飛利浦熨斗，原來已經40年」。