何遠東做咗肥仔多年,因為抗疫留家多時間決定減肥。
何遠東個名一直膽拖肥仔兩字,不過因為疫情冇工開又成日喺屋企,「肥東」為令Stay Home生活更加充實,把心一橫豁出去減肥,最後用咗3個月激減30磅,從「肥東」變「瘦東」,日前更公開減肥成果照,嘩嘩嘩真係瘦咗好多呀。
何遠東做咗肥仔多年,因為抗疫留家多時間決定減肥。
當年的「肥仔東」曾經喺紅館伴住許冠傑表演。
人生終於搣甩個「肥」字,何遠東好開心,今日就喺IG分享幾張於2009年喺「歌神」許冠傑演唱會表演嘅照片,並留言:「好耐冇入紅館,咁睇住啲相先啦!」自稱是「舞男」的阿東憶述當年喺紅館跑勻四面台,又叫網友留意一張「爆點」相,相中阿東半裸晒「厚切豬腩肉」,胸前一點就打咗粒荷包蛋,對畀今日瘦瘦嘅何遠東,成件事真係好勵志。
因為好大份所以一眼就望到何遠東。
何遠東同歌神一齊表演,好威水。
呢張係何遠東今日嘅Post重點推介。
今年4月,何遠東已經開始瘦。
7月時嘅何遠東。
睇佢瘦到呢。
最新回應