【維港會】港女催男友簽紙增抽居屋機率 網民勸為樓結婚諗清楚

不少人結婚都想買樓有個安樂窩，近日有港女在網上發帖，指想趁讀書期間和男友簽紙結婚，以增加抽中居屋的機率，但男友就堅持要畢業後結婚，令她質疑男友根本無意結婚，引起熱議。

有港女在連登發帖指，大學畢業後和拍拖3年的男朋友一起全職進修醫療專業，她和男朋友都曾表示很想結婚，但又擔心樓價太貴未能上車，希望抽到居屋，「所以我一直都有問男朋友好冇簽紙結婚抽居者，到時抽中咗畢咗業先擺酒或者唔擺都冇所謂」。但男朋友想畢業後結婚，港女認爲如果之後他們順利成為醫護人，很快就會超過居屋入息上限，到時就一定要買私樓，想趁未畢業「博下」。

港女表示男友想畢業後收入有保障再先結婚，但她懷疑男友是不想和她結婚才拖延，因為「依家都有單人抽居者，我有問過如果萬一其中一個抽中左咁結唔結婚，佢又話抽中咗就結，咁姐係都唔一定要等到畢業啦，咁點解唔結咗婚先抽增加機會」。

不過網民似乎不認同港女的講法，「居屋唔係抽到就免費比你，係要供，只係平私樓少少，為咗居屋而結真係諗清楚，家庭機會高過單人，都唔係必中，可能結咗抽十年都唔中」、「為咗層樓要趕住去結婚，好似唔係好啱邏輯」，亦有人批評港女逼男友結婚，「你想佢埋你單，但佢其實唔想俾你綁死一世住」、「樓主你一個人生存唔到咩？一定要靠你男友」、「我覺得好正常喎，我自己都好想結婚啊，但覺得有工有穩定收入先娶女朋友，有保障先係對佢負責任」。