湊朋友個B湊到反眼 吳千語大呻半日老母唔易做

當年有傳吳千語為咗跟有百億身家嘅富三代施伯雄一齊而狠飛曾經「七愛」佢嘅林峯，時隔三年，林峯舊年已同內地女友，五官有啲膠味嘅張馨月結婚，七夕嘅時候林峯仲送花同手袋畀老婆，林太貼晒上網晒幸福。咁千語呢?有傳佢同富三代下年結婚，千語冇否認，只表示對結婚順其自然，即係係啦。

富三代女友吳千語今日喺IG貼咗幾張湊B相，見佢抱到衫又移晒位，又反晒眼都知佢非常生手，而BB一臉嫌棄，眼神叫晒救命，放開個小朋友啦好心。而千語都有自知之明，寫明半日老母唔易做，仲為每張相寫晒Caption，最過癮係佢唔介意將反眼相反大玩自嘲，估唔到佢份人幾幽默。