凑朋友个B凑到反眼 吴千语大呻半日老母唔易做

当年有传吴千语为咗跟有百亿身家嘅富三代施伯雄一齐而狠飞曾经「七爱」佢嘅林峯，时隔三年，林峯旧年已同内地女友，五官有啲胶味嘅张馨月结婚，七夕嘅时候林峯仲送花同手袋畀老婆，林太贴晒上网晒幸福。咁千语呢?有传佢同富三代下年结婚，千语冇否认，只表示对结婚顺其自然，即系系啦。

富三代女友吴千语今日喺IG贴咗几张凑B相，见佢抱到衫又移晒位，又反晒眼都知佢非常生手，而BB一脸嫌弃，眼神叫晒救命，放开个小朋友啦好心。而千语都有自知之明，写明半日老母唔易做，仲为每张相写晒Caption，最过瘾系佢唔介意将反眼相反大玩自嘲，估唔到佢份人几幽默。