【獨家】對曹永廉指「自己友」零回應 黃翠如被蕭正楠拉去跑街仆親
2020-08-27 22:50 
因為曹永廉喺網上群組，留言一句黃翠如係「自己友」，搞到翠如捲入顏色風波中，備受爭議。連日來黃翠如只靠老公蕭正楠「心靈雞粥」默默打氣，而她只管專心拍好主演嘅新劇《七公主》，對任何「顏色」新聞未有回應。喺二人限聚令前，黃翠如跟新人吳子冲喺北角寶馬山拍一場跑步戲，因為手腳唔協調，所以翠如跑步跑得好專心。採訪：方騫平 攝影：李維隆
近日黃翠如非常專心拍TVB新劇《七公主》，之前喺酷熱天氣下，由下晝三點幾開始喺寶馬山跑步徑拍外景拍到零晨。當日劇情講她打輸官司，心情唔好，所以由吳子冲陪跑。
翠如手腳唔協調
現場所見，翠如跑步有氣有力，但跑姿有點機械式，她解釋：「其實我細個有學過跑步，但係我手腳唔多協調，跑平路都OK，跑斜路就唔好，費事整親受傷啦！我老公就鍾意跑步，仲會周街跑，之前佢捉咗我跑街，點知跑到第二個圈我就仆咗落地損咗，之後佢就唔敢捉我去跑。」至於吳子冲就視黃翠如係女神：「跑步徑人多車多，工作人員要截車截人，我哋就要同時間競賽，真係有少少壓力，好彩有翠如指導，佢好好人，當然係我心目中嘅女神，應該話係紥住馬尾做運動嘅女仔特別有氣質。」
關鍵字
最新回應