星島日報

全球明星中抖音毒 碧咸處女抖音片自稱「小貝」賣萌

2020-08-26 16:07
抖音掀全球狂熱,碧咸都玩埋一份。
抖音掀全球狂熱,碧咸都玩埋一份。

呢期抖音同Tiktok好紅,國家元首提起佢,國際新聞又講起佢,其實抖音面世四年,早已瘋魔全球,最新有萬人迷碧咸都開設了抖音帳號「davidbeckham」,並上載了兩條影片祝內地網友七夕快樂。

其中一段短片中咸爺大晒中文,用普通話向大家問好,又自稱「小貝」,估唔到一向走型男路線的咸爺都可以咁Cute。之後碧咸用英文解釋,「今日係七夕情人節,而七呢個號碼對佢好重要,希望喺呢個特別嘅日子,將我嘅愛分享畀大家,並邀請大家參加我嘅抖音挑戰,Show出你身邊有關7字嘅號碼。」最後雙手更做出韓星至愛嘅畀心心手勢,全片背景音樂係鄧麗君的《甜蜜蜜》,成件事好九唔搭八,但好好笑。

第二段片就見到碧咸喺7號球衣上簽名,而今次背景音樂就係周杰倫的《簡單愛》,最後佢再次用普通話講嘢:「我希望大家今天來抖音被愛包圍。」忍唔住笑咗出聲。

抖音掀全球狂熱,碧咸都玩埋一份。
抖音掀全球狂熱,碧咸都玩埋一份。
碧咸表示七字呢個數字對佢好重要。
碧咸表示七字呢個數字對佢好重要。

席捲全球的抖音源於2016年,是一款音樂創意短片平台,是繼Instagram、Facebook及Snapchat後火速冒起的社交平台,憑洗腦的「抖音神曲」與簡單的「抖音挑戰」在網上瘋傳,引起極大迴響,如《學貓叫》及《Count on me》唱到街知巷聞,早前也有不少全球瘋傳的「抖音挑戰」,如去年的「瓶蓋挑戰」及今年的「枕頭挑戰」(pillow challenge)等,因為太多人玩故亦吸引到亞洲明星以至荷里活明星都爭相追捧。

碧咸在7號球衣上簽名, 祝網友七夕快樂。
碧咸在7號球衣上簽名, 祝網友七夕快樂。
碧咸嫂Victoria好早已經玩抖音,仲同二公子Romeo拍抖音短片拍到跳晒舞。
碧咸嫂Victoria好早已經玩抖音,仲同二公子Romeo拍抖音短片拍到跳晒舞。

抖音藉「名人效應」吸引大量用家,亦惹來不少爭議。有傳不少韓星的抖音帳號被封鎖,包括Rain、TWICE及泫雅等,原因不明,令大量韓迷議論紛紛。 除咗荷里活明星、韓星、內地紅星和NBA球星都迷上玩抖音外,本港亦有不少藝人係抖音Fans,如陳山聰、林夏薇及何超蓮等,不過抖音已撤出香港市場,冇得下載,就算曾經下載過都玩唔到,咁點解林夏薇仲玩到?點做到㗎?

Justin Bieber是超級抖音迷,超豪巨宅內每一忽都見過晒。
Justin Bieber是超級抖音迷,超豪巨宅內每一忽都見過晒。
NBA球星字母哥(Giannis Antetokounmpo) 同老婆拍嘅搞笑短片亦可以喺抖音睇到。
NBA球星字母哥(Giannis Antetokounmpo) 同老婆拍嘅搞笑短片亦可以喺抖音睇到。
影壇巨星Will Smith玩抖音玩得好興奮。
影壇巨星Will Smith玩抖音玩得好興奮。
韓國天團BTS也有上載可愛短片到抖音。
韓國天團BTS也有上載可愛短片到抖音。
韓國女團Twice也有抖音帳號。
韓國女團Twice也有抖音帳號。
韓國「性感小野馬」泫雅一直都係拍片迷,經常上載短片到IG,抖音亦見佢蹤影。
韓國「性感小野馬」泫雅一直都係拍片迷,經常上載短片到IG,抖音亦見佢蹤影。
金希澈早前更新抖音好頻密。
金希澈早前更新抖音好頻密。
林夏薇近月超沉迷拍跳舞抖音片。
林夏薇近月超沉迷拍跳舞抖音片。
何超蓮同男友竇驍玩抖音玩到又攬又摸。
何超蓮同男友竇驍玩抖音玩到又攬又摸。
陳山聰玩抖音玩咗一段短時間。
陳山聰玩抖音玩咗一段短時間。
內地女星,劉愷威前妻楊冪不時在抖音發佈短片。
內地女星,劉愷威前妻楊冪不時在抖音發佈短片。
內地男星,自稱潮人嘅余文樂近月也開始玩抖音。
內地男星,自稱潮人嘅余文樂近月也開始玩抖音。

最新回應

關鍵字

相關新聞

熱門文章