落車檢查引擎南亞賊趁機偷斜孭袋 的哥失數千血汗錢

今日清晨又發生的士劫案，一名的士司機大意被賊人有機可趁，偷走斜孭袋，損失約數千港元血汗錢，司機輕傷。

清晨6時許，一名68歲姓賴的士司機，懷疑汽車出現故障，遂將車停靠在旺角鴉蘭街與新填地街交界，落車打開車頭冚檢查引擎狀況，其間沒有將車門鎖上。未幾，一名南亞裔男子走近趁機，打開車門偷走司機位內的一個斜孭袋逃去。有好心途人目擊事發經過，即提醒的士司機。

的哥不甘損失，尾隨窮追至鴉蘭街一條後巷，雙方發生糾纏，混亂間賊人最終棄下斜孭袋逃去無蹤，的哥手腳輕傷，斜孭袋內有數千元現金已被賊人掠走。

警方將案暫列車內盜竊，交由旺角警區刑事調查隊跟進。