歡迎師妹加入爭 馮盈盈勁讚賴琦媛有潛質唔寸嘴

2020-08-25 23:21
馮盈盈睇好賴琦媛做「爆題女王」接班人。
馮盈盈睇好賴琦媛做「爆題女王」接班人。

馮盈盈與一眾落選港姐昨晚錄影《#後生仔傾吓偈》,她稱會與大家討論參選心情及會否有遺憾,亦會分享自己完成比賽後如何裝備自己、以及事業上的規劃,她說:「自己選完後都迷失咗一段時間,感覺好似完成咗一個目標,但唔知道接下嘅目標想做乜。」盈盈知道有佳麗想參與《後生仔》及《學是學非》,問她可擔心「爭飯碗」?盈盈笑說:「節目都需要新鮮感嘅,希望可以搵到新嘅『爆題女王』,我都想引用一句潮語『呢幾年我都攰啦』,係需要一啲新人事,我覺得賴琦媛有𤂯質真係唔錯。(唔覺得佢寸嘴咩?)我認識佢係好真誠嘅女仔,都幾有趣。另一位我會選羅雪妍,感覺佢好開朗,個性不拘小節,希望有機會發展成同事啦!」

提到電競模特兒馬俊怡(Rose Ma)疑流出不雅照,盈盈坦言與對方認識,但由於不清楚內情不回應太多,而且大家都忙少問私事。

賴琦媛侯嘉欣:落選後輕鬆
落選的賴琦媛與侯嘉欣心情不錯,賴琦媛離開比賽後食返夠,因為兩個月來都沒有機會享受,包括最愛的薄餅及快餐等,侯嘉欣則享受瞓覺,參選期間不夠瞓,現在可以好好休息。兩人異口同聲坦言落選後反而鬆一口氣,侯嘉欣說:「心態上輕鬆晒,可以瞓到自然醒。」

說到賴琦媛獲師姐馮盈盈點名,她多謝對方提攜,問到TVB可有安排簽約成為藝人?賴琦媛相信即使成事都無咁快,但她與侯嘉欣都期望可以繼續幕前工作,始終比賽令她累積了一些支持者,希望不會辜負大家期望。

馮盈盈睇好賴琦媛做「爆題女王」接班人。
馮盈盈睇好賴琦媛做「爆題女王」接班人。
賴琦媛與侯嘉欣落選反而鬆一口氣。
賴琦媛與侯嘉欣落選反而鬆一口氣。

八位落選港姐《#後生仔傾吓偈》大談落選心情及生活。
八位落選港姐《#後生仔傾吓偈》大談落選心情及生活。

最新回應

關鍵字

相關新聞

熱門文章