網民恨做貓仔一齊發放懶散能量　35E莊韻澄晒性感夾胸「牀照」

擁有35E豪乳的莊韻澄（前名莊端兒，Xenia）經常於社交網派軍糧，昨日傍晚她又於IG貼出多張性感「牀照」，並寫道：「今日可以同貓仔發放懶散能量，聽日就要一早起身努力工作。」睇番啲相……第一張，攤喺牀上的Xenia穿小背心晒黑色Bra帶，心口冇乜睇頭；不過第二張，Xenia就側躺「不經意」地露出事業線；再睇埋第三張，同一個側躺Pose，但鏡頭高炒，Xenia再用雙臂夾一夾，成功壓出3吋深坑；睇到第四張，繼續是Xenia的多角度「睡美人」單頭自拍，說好的「貓仔」仍不知所蹤，完全圖文不符！結果喺最後一張「主子」終於現身，仲一臉霸氣地壓喺Xenia身上，搞到一眾網民紛紛留言喊葡萄：「我都想做你貓貓」、「Lucky cat」、「隻貓真幸福」、「好羨慕隻貓呀」等，不少人都話想同Xenia一齊發放懶散能量𠻹。