【維港會】港媽不滿舊式髮廊30元為子剷陸軍裝 店家反駁對方堅持己見

現在成年人剪髮花費過百元已經可謂大眾價，有港媽帶同兒子到深水埗街邊舊式髮廊以30元理髮後，不滿兒子頭髮被剃光成陸軍裝，大為不滿，上網發文公審該髮廊。

網民在Facebook 群組「深水埗街坊會」稱，帶兒子去一間聲稱的「黑店」剪頭髮，見到店內只有1個50幾歲女子，更沒有佩戴口罩。港媽指，當時挽住多袋餸菜，入到去坐低時打算餸菜放落地，豈料對方「即刻大聲呼喝叫我唔好擺啲餸落地，心諗點解唔可以放落地先！」。女理髮師叫港媽挽住餸菜，港媽則堅持放地。

當港媽兒子的開始剪頭髮前，「佢問我仔仔點樣剪？我話叫佢同佢兩邊剷青，頭頂留返短頭髮。點知佢二話不說，連亞仔頭頂啲頭髮都鏟走埋」，港媽於是即時問佢，「點解要鏟走晒？」

女理髮師當場反駁「乜唔係咁樣剪咩？」港媽反問「如果全部剷青晒，我就唔使搵你同佢剪啦！仲要受你氣！」港媽認為，雖然只是30元，但兒子「做咗白老鼠當教訓，點解作為髮型師可以自把自為，服務態度非常惡劣，簡直玩嘢」

部分網民認為發文者是期望過高，指這類街邊的髮廊都是做基層街坊生意或者中高齡市民為主，如果想要剪得新潮就應該去髮型屋或連鎖剪髮店，「30 蚊想要啲咩質素同要求」、「師奶佢係做你老公生意，你帶個仔去喎⋯⋯重要放低啲餸睇住佢剪」、「童年陰影 就係呢啲， 個仔第日大個 幾十年後都一定仲記得」。也有人認為理髮師沒有戴口罩便應馬上離開。

不過有網民引述店家回應，指店家好禮貌地向港媽提醒地下好多頭髮，叫她不要將餸放地下，但港媽拒理。又反駁稱，店主日日就算有無客都會戴口罩，是港媽想除口罩被店家拒絕。

網民又指，「係佢自己要求店主同佢個仔咁樣剪嘅，店主都話唔好剪太短唔好睇但係樓主唔聽，店主都唔明點解樓主唔講要咁講！」，多多要求，教店家如何剪頭髮。

網民又澄清，髮廊是正經商戶，平時都有女、有男、有小朋友、老人家去剪頭髮，並非網上所指的黃色場所，質疑當事人是否因為有口角誣衊店家。

建立時間：1619
更新時間：1845