大吃大喝後放爆汗相全素顏鄭秀文獲網民讚靚過容祖兒

2020-08-18 11:20

聽日48歲生日嘅鄭秀文（Sammi）踏入生日周，加上老公許志安都係8月壽星，喺8月12日53歲牛一，兩公婆呢個月難免會食好西。過去周日Sammi一反常態，上載咗一張唔係爆汗，而係食嘢片，仲留言：「今天，決定只吃不做(運動） #不想勉強自己#吃之日#放鬆吓自己#自我放假是必須的尤其年紀大了#誰說我只爆汗而不吃東西的」

放肆了一日，昨日Sammi又再次重拾做運動，並貼出爆汗相，相中但Sammi素顏上陣，穿着運動bra top的她，露出小蠻腰，腰間展露了紋身。Sammi留言：「狠狠的爆一場汗是對『放肆了幾天吃喝』的最佳救贖。但感覺還可以多放肆幾天啊！（尤其快要b day）但不可以了，要好好準備九月份的工作。#樣衰過後有艇搭#今日全素...顏」，不少網民也大讚Sammi素顏好看、素顏最美、感覺舒服、靚靚靚，最搞鬼居然有網民將她跟40歲嘅容祖兒比較，覺得Sammi靚好多。