擺錯鏡頭Crop晒Pizza 傅嘉莉第一次拍整嘢食片唔合格

因為疫情影響，好多藝人嘅廚藝都極速提升，因為個個都拍煮嘢食片同Fans開心Share。最新加入嘅有財來自有方嘅傅嘉莉(Kelly)，為宣傳有份做嘅《反黑路人甲》，Kelly尋晚就第一次拍整嘢食嘅片，同埋第一次自己剪片，佢嘅第一次就交咗畀Pizza ，點解整薄餅?因為可以一邊睇劇一邊食，係幾有心思嘅，不過，Kelly呢個第一次就唔合格嘞，事關佢啲材料全部得個名冇份量，仲要個鏡頭擺位完全錯晒，Crop晒件Pizza，下次要留意返嘞。